General note

Contrafactum

Fernão Pais de Tamalhancos

Gram mal me faz agora 'l-rei
que sempre servi e amei
porque me parte [d]'u eu hei
prazer e sabor de guarir.
       Se m'eu da Marinha partir
       nom poderei alhur guarir.


Muit'é contra mi pecador
el-rei, forte [e] sem amor,
porque me quita do sabor
e grande [prazer] de guarir.
       Se m'eu da Marinha partir
       nom poderei alhur guarir.

Model

Peire Guilhem de Luserna

En Sordel, e que·us es semblan
de la pros comtessa prezan? 
Que tug van dizen e guaban 
que per s'amor es sai vengutz 
e cujatz anz esser sos drutz 
qu'en Blacas, qu'es per leis canutz.


Peire Guilem, tot son afan 
mes Dieus en leis far per mon dan,  
e la beutatz que autras an
es nien; e·l pretz es menutz,  
qu'en Blacas fora ab me pendutz, 
anz que nuls i fos avengutz.


En Sordel, anc entendedor 
no vi sai mais d'aital color,  
com vos es, que l'autr'amador  
volon lo baizar e·l iazer,  
e vos metetz e non caler  
so c'autre drut volon aver.


De leis vueill solatz et honor,  
Peire Guilem, e si d'amor 
i mesclav'un pauc de sabor,
per merce e non per dever,  
qui·s volgues, agues tot l'aver,
sol qu'ieu n'agues aquel plazer.


En Sordel, plus amesuratz  
vos faitz d'amador c'anc fos natz  
e si·l cons es aseguratz
el s'en poiria leu pentir
qar autre n'auzetz escarnir  
en Sordel, qi·us o auzes dir.  


Peire Guilem, vos desrenguatz  
a lei d'ome cui jois non platz,  
mas lo coms es tan ensenhatz  
que d'aisso no·l qual meins dormir,  
c'om deu so celar e cubrir  
que non tanh vezer ni ausir. 


En Sordel, sap pro d'escremir  
qui·s pot de vostre colp gandir.  


Peire Guilem, ben sai sufrir
lo mal d'amor e·l ben iauzir.

 ----- Increase text size ----- Decrease text size